Hai Koocha e Ulfat Mein Wehshat Ki Farawani Jab Qais Ko Hosh Aaya Laila Hoi Deewani
ہے کوچہ الفت میں وحشت کی فراوانی
جب قیس کو ہوش آیا لیلٰی ہوئی دیوانی
Hai Koocha e Ulfat Mein Wehshat Ki Farawani
Jab Qais Ko Hosh Aaya Laila Hoi Deewani
پیش آئی وہی آخر جو کچھ کہ تھی پیش آئی
قسمت میں ازل ہی سے لکھی تھی پریشانی
دل اس کو دیا میں نے یہ کس کو دیا میں نے
غفلت سی مری غفلت' نادانی سی نادانی
جائے نہ مرے سر سے سودا تری زلفوں کا
اُلجھن ہی رہے مجھ کو کم ہو نہ پریشانی
اب نزع کی تکلیفیں برداشت نہیں ہوتیں
تم سامنے آ بیٹھو دم نکلے بآسانی
اقلیمِ محبت کی دنیا ہی نرالی ہے
نادانی ہے دانائی' دانائی ہے نادانی
ہو زیست جنہیں پیاری وہ اور کوئی ہوں گے
ہم مر کے دکھا دیں گے مرنے کی اگر ٹھانی
ہشیاری زائد سے اچھی مرے بے ہوشی
اس دلقِ ریائی سے بہتر مری عریانی
کیا وادی غربت میں بچھڑی ہے یہ بیدم سے
سر پیٹتی پھرتی ہے کیوں بے سر و سامانی
وارثی شاہ بیدم
Bedam Shah Warsi
Comments
Post a Comment