Ik Dard Ka Qissa Yaad Raha , Main Dil Ka Lagana Bhool Gaya Ro Ro Ke Sunaya Afsana Unwan Batana Bhool Gaya

اِک درد کا قِصہ یاد رہا، میں دل کا لگانا بھول گیا
رو رو کے سُنایا افسانہ عُنوان بتانا بھول گیا
Ik Dard Ka Qissa Yaad Raha , Main Dil Ka Lagana Bhool Gaya
Ro Ro Ke Sunaya Afsana Unwan Batana Bhool Gaya
کب کس کی نظر سے اپنی نظر ٹکرائی کہاں، تو یاد تو کر
مدہوش نظر نے مست کیا، میں ہوش میں آنا بھول گیا

ساقی کی نظر سے پی میں نے، میخانے میں کہرام مچا
رِندوں نے بہت پوچھا لیکن میں نام بتانا بھول گیا

کل تک میں کسی کی بزم میں تھا، اب ڈھونڈ رہا ہوں محفل کو
اک راگ الاپا تھا لیکن میں گیت سنانا بھول گیا

گُستاخ نہیں، بیباک سہی، ناگہاں نِگاہیں چار ہوئیں
میں سر کو جُھکانا بھول گیا، نظروں کو گِرانا بھول گیا

واصِفؔ کو مِلے انداز عجب، آنسو ہیں مری ہستی کا سبب
کس بات پہ روتا ہوں ہر شب، ہے قصہ پُرانا بھول گیا
واصِف علی واصِفؔ
Wasif Ali Wasif