Ishq Aur Aqal Mein Yaktai Kahan Daikhty Hein Hum Junoon Khaiz Hein , Ruswai Kahan Daikhty Hein

عشق اور عقل میں یکتائی کہاں دیکھتے ہیں
ہم جنُوں خیز ہیں، رُسوائی کہاں دیکھتے ہیں
Ishq Aur Aqal Mein Yaktai Kahan Daikhty Hein
Hum Junoon Khaiz Hein , Ruswai Kahan Daikhty Hein
ہم نہ ہاریں گے کسی گام پہ بھی دشتِ بلا
تیرے پالے ہوئے پسپائی کہاں دیکھتے ہیں
کوئی فرصت سی ہے فرصت کہ نہیں اپنی خبر
ایسی بے ساختہ تنہائی کہاں دیکھتے ہیں
اب کسی اور ہی منزل کی ہمیں ہے خواہش
خود کو اب تیرا تمنائی کہاں دیکھتے ہیں
زرِ بیکار ہے اب اپنے لیے تو یہ بھی
کوچۂ عشق میں دانائی کہاں دیکھتے ہیں
عزت و منصب و دنیا کی یہ ساری دولت
تری دہلیز کے سودائی کہاں دیکھتے ہیں