Khali kamre mein mera rakht e safar rakha hai Chand arman hain posheeda nihan khanon mein

خالی کمرے میں مرا رختِ سفر رکھا ہے
چند ارمان ہیں پوشیدہ نہاں خانے میں
کرچیاں خواب کی رکھی ہیں حفاظت سے کہیں
اور کچھ پھول چھپا رکھے ہیں انجانے میں
Khali kamre mein mera rakht e safar rakha hai
Chand arman hain posheeda nihan khanon mein
Kirchiyan khwab ki rakhi hain hifazat se kahin
Aur kuch phool chhupa rakhe hain anjane mein

 
ڈھونڈتی پھرتی رہی روح کسی ساتھی کو
در بدر ٹھوکریں کھا تا رہا پندار مرا
اپنی مٹی سے بھی ا ٹھی نہیں سوندھی خوشبو
غیر کے دیس میں لٹتا رہا سنسار مرا
Dhoondti phirti rahi rooh kisi sathi ko
Dar ba dar thokren khhata raha pindar mera
Apni mitti se bhi uthi nahi sondhi khushbu
Ghair ke des mein lut-ta raha sansar mera

 
اجنبی آنکھوں میں مانوس وفاؤں کا چراغ
ایک امید پہ جلتا رہا گھپ راتوں میں
جسم مٹی کی طرح گھلتا رہا پانی میں
رنگ بے رنگ ہوئے جاتے تھے برساتوں میں
Ajnabi ankhon mein manoos wafaon ka chiragh
Aik umeed pe jalta raha ghhup raton mein
Jism mitti ki tarah ghhulta raha pani mein
Rang be rang huay jate thay barsaton mein

 
تیری امید پہ کھولا ہوا در رکھا ہے
خالی کمرے میں مرا رختِ سفر رکھا ہے
Teri umeed pe khhola hua dar rakha hai
Khali kamre mein mera rakht e safar rakha hai

 
شائستہ مفتی
Shaista Mufti