Mian e Arsa e Mout o Hayat Raqs Mein Hai Akela Main Nahi , Kul Kainaat Raqs Mein Hai

میان ِ عرصۂ مَوت و حیات رقص میں ہے
اکیلا مَیں نہیں، کُل کائنات رقص میں ہے
Mian e Arsa e Mout o Hayat Raqs Mein Hai
Akela Main Nahi , Kul Kainaat Raqs Mein Hai
ہر ایک ذرّہ ہر اِک پارۂ زمین و زماں
کسی کے حُکم پہ دن ہو کہ رات رقص میں ہے

اوطاقِ کِنگرۂ عرش کے چراغ کی لَو
کسی گلی کے فقیروں کے ساتھ رقص میں ہے

سِنائیؔ ہوں کہ وہ عَطّارؔ ہوں کہ رُومیؔ ہوں
ہر اک مقام پہ اِک خوش صِفات رقص میں ہے

یہ جذب و شوق، یہ وارُفتگی یہ وَجد و وفُور
مَیں رقص میں ہوں کہ کُل کائنات رقص میں ہے

مجال ہے کوئی جُنبِش کرے رضا کے بغیر
جو رقص میں ہے، اجازت کے ساتھ رقص میں ہے

مَیں ایک شمس کی آمد کا مُنتظِر تھا سو اب
مِرے وجود کے رُومی کی ذات رقص میں ہے