Mujhe Shouq Tha Tere Saath Ka , Jo Na Mil Saka Chalo Khair Hai Meri Zindagi Bhi Guzar Gai , Tu Bhi Ja Chuka Chalo Khair Hai

مجھے شوق تھا تیرے ساتھ کا، جو نہ مل سکا چلو خیر ھے
میری زندگی بھی گزر گئی، تو بھی جا چکا چلو خیر ھے
Mujhe Shouq Tha Tere Saath Ka , Jo Na Mil Saka Chalo Khair Hai
Meri Zindagi Bhi Guzar Gai , Tu Bhi Ja Chuka Chalo Khair Hai
یہ جو بے بسی ھے چار سو ۔ اور الجھے الجھے سے طور ہیں
تجھے سب خبر ھےمگر تو کیوں، نہ سمجھ سکا چلو خیر ھے

میں نےخود نمائی کبھی نہ کی مجھےدوستوں سےگلہ بھی کیا
وہ سمجھہ نہ پائے صدائے دل، یہ بھی چپ رہا چلو خیر ھے

یہ گھٹے گھٹے سے ہیں سلسلے  یہ رکے رکے سے تعلقات
نہ میں کہہ سکاکبھی کھل کےکچھ نہ توسن سکا چلو خیر ھے

شب ہجر اتنی طویل تھی شب وصل بھی تو دراز تھی
میں نے سب کہا تھا بہت مگر ابھی رہ گیا چلو خیر ھے

میں نے جو بھی چاہا وہ نہ ملا ۔۔ یہ ھے میری زیست کا المیہ
تجھے ہر قدم پہ خوشی ملی مجھے غم ملا چلو خیر ھے

میں کہوں تو کیسے کہوں تجھے میرے شہر دل میں رکے رہو
یہی سوچ تھی میری سوچ میں تو چلا گیا چلو خیر ھے

کبھی تمکو ضد تھی میں ملوں،کبھی میں بضد تھا کہ تو ملے
یونہی دھیرے دھیرے ختم ھوا، یہ بھی سلسلہ چلو خیر ھے

کئی ماہ و سال گزر گئے تیری بے رخی تیرے ہجر میں
یہ جو آنے والا ہے نیا برس یونہی گزرے گا چلو خیر ھے

چلو خیر ھے کہ گزر گئی وہ طویل شب میری زیست کی
جسے ساتھ چلنا تھا کبھی میرے، وہ نہ چل سکا چلو خیر ہے