Qatre Qatre Ko Kabhi Tarsa Na Tha Main Keh Darya Tha Koi Sahra Na Tha

قطرے قطرے کو کبھی ترسا نہ تھا
میں کہ دریا تھا کوئی صحرا نہ تھا
Qatre Qatre Ko Kabhi Tarsa Na Tha
Main Keh Darya Tha Koi Sahra Na Tha
حسرتوں کی جھیل پر کہرا نہ تھا
ہمسفر سورج تھا، میں تنہا نہ تھا

چہرہ چہرہ تھا شناسا شہر میں
میں کسی کی آنکھ کا تارا نہ تھا

پتھروں کے شہر میں شیشہ بدن
میں ہی تھا جو ٹوٹ کر بکھرا نہ تھا

بستی بستی بے حسی کی دھول تھی
اب کے ساون ٹوٹ کے برسا نہ تھا

چاندنی کی دھوپ تھی چاروں طرف
شہر دل میں چاند سا چہرہ نہ تھا

اس کا چہرہ ہے کہ نشترؔ کی غزل
آئینے پر تبصرہ لکھا نہ تھا