Sar e Taq e Jan Na Chiragh Hai , Pas e Baam e Shab Na Sahar Hoi Ajeeb Aik Arsa e Dard Hai Na Guman Hai , Na Khabar Koi

سرِ طاقِ جاں نہ چراغ ہے، پسِ بامِ شب نہ سحر کوئی
عجب ایک عرصہِ درد ہے نہ گمان ہے، نہ خبر کوئی
Sar e Taq e Jan Na Chiragh Hai , Pas e Baam e Shab Na Sahar Hoi
Ajeeb Aik Arsa e Dard Hai Na Guman Hai , Na Khabar Koi
نہیں اب تو کوئی ملال بھی، کسی واپسی کا خیال بھی
غمِ بیکسی نے مٹا دیا، مرے دل میں تھا بھی اگر کوئی

تجھے کیا خبر ہے کہ رات بھر تجھے دیکھ پانے کو اِک نظر
رہا ساتھ چاند کے منتظر تری کھڑکیوں سے اُدھر کوئی

سرِ شاخِ جاں ترے نام کا عجب ایک تازہ گلاب تھا
جسے آندھیوں سے خطر نہ تھا، جسے تھا خزاں کا نہ ڈر کوئی

تری بے رُخی کے دیار میں گھنی تیرگی کے حصار میں
جلے کس طرح سے چراغِ جاں، کرے کس طرف کو سفر کوئی

کٹے وقت چاہے عذاب میں، کِسی خواب میں یا سراب میں
جو نظر سے دُور نکل گیا اُسے یاد کرتا ہے ہر کوئی

سرِ بزم جتنے چراغ تھے وہ تمام رمز شناس تھے
تری چشمِ خوش کے لحاظ سے نہیں بولتا تھا مگر کوئی
امجد اسلام امجدؔ
Amjid Islam Amjid