Thak Chuka Hon Keh Safar Dar Safar Dekhati Hai Lakeer Haath Ki Rukne Mein Nahi Aati Hai

تھک چکا ہوں کہ سفر در سفر دِکھاتی ہے
لکیر ہاتھ کی رُکنے میں نہیں آتی ہے
Thak Chuka Hon Keh Safar Dar Safar Dekhati Hai
Lakeer Haath Ki Rukne Mein Nahi Aati Hai
آنکھ کا ظرف بھی آنسو ہی جانتا ہے فقط
ضبط کی آخری حد تک اسے چُھپاتی ہے

اک تیرا لَمس ہی کافی اُداس لمحوں میں
کروں جو یاد تو تکلیف مُسکراتی ہے

تیری یادوں کی گرم شال اوڑھ لیتی ہے
جب دسمبر میں کبھی روح کپکپاتی ہے

ٹپک گیا تو وہ نظروں سے گِرا پانی ہے
ٹھہرے آنکھوں میں تو تاثیر بدل جاتی ہے

ہے یہ اعلان کہ جو جا چُکا نہ پلٹے گا
خاک گلیوں میں جب ہی تو ہوا اُڑاتی ہے

دل کے اندر ہے کوئی سوگ بپا کیا کیجیے
کوئی محفل بھی رضا دل کو نہیں بھاتی ہے