Woh Aik Larki Keh Jis Ki Khatir

وہ ایک لڑکی کہ جس کی خاطر
Woh Aik Larki Keh Jis Ki Khatir
میں رتجگوں کے عذاب سہہ لوں
میں نفرتوں کے جواب سہہ لوں
میں پتھروں کے گلاب سہہ لوں
میں دشت سہہ لوں سراب سہہ لوں

وہ ایک لڑکی کہ جس کی خاطر
Woh Aik Larki Keh Jis Ki Khatir
میں چاند تارے اتار ڈالوں
میں رنگ سارے نکھار ڈالوں
خزاں کی رت میں بہار ڈالوں
میں جان اپنی بھی وار ڈالوں

سوال میں ہوں ! جواب وہ ہے
تعبیر میں ہوں ! خواب وہ ہے
اگر میں نیکی ! ثواب وہ ہے
میں اک حویلی ! نواب وہ ہے

میں شام جیسا تو رات سی وہ
میں گفتگو سا تو بات سی وہ
میں اک پیاسا تو فرات سی وہ
میں ایک دکھ تو نجات سی وہ

محبتوں کی امین لڑکی
وہ سب سے پیاری حسین لڑکی
وہ میرے دل کی مکین لڑکی
وہ لڑکیوں میں زہین لڑکی

میں تیرا مداح سرا بنا ہوں
میں تیرا مداح سراء رہونگا
میں کل بھی تیرا تھا آج بھی ہوں
میں کل بھی تیرا بنا رہونگا

میری محبت میں فرق آئے
تو تم پہ لازم ہے بول دینا
تمہیں منانے کی کوششوں تک
میں ہاتھ باندھے کھڑا رہونگا