Chand Lafzon Ki Nahi Koi Kahani ZEHRA Bekran Hai Yeh Takhayul Ki Rawani ZEHRA

چند لفظوں کی نہیں کوئی کہانی زہرہ
بیکراں ہے یہ تخیل کی روانی زہرہ
Chand Lafzon Ki Nahi Koi Kahani ZEHRA
Bekran Hai Yeh Takhayul Ki Rawani ZEHRA
دل کی آواز سے ہوتا ہے بپا کیوں محشر
ہوتی منہ زور تو سب کی ہی جوانی زہرہ

خوابِ خلوت میں اسے ہم نے پکارا اکثرt5
اب سہی جاتی نہیں پیڑ پرانی زہرہ

اب یہ ہوتی ہے تو ہو جائے خبر بھی سب کو
عشق رہ جائے نہ بس بن کے نشانی زہرہ

نام لکھ لکھ کے مٹاتی ہو، یہ کیا کرتی ہو
ڈر کے چاہت تو نہیں ہوتی دِوانی زہرہ

وہ جو اظہارِ محبت کے لیے ملتی ہیں
زندگی میں وہی گھڑیاں ہیں سہانی زہرہ

اب تجھےعشق کے آزار سے ہے کیا مطلب
چند روزہ تو یہ ہوتی ہے جوانی زہرہ

روگ ہے جاں کا کسی دل سے نکل کر جانا
عمر کھا جاتی ہے یہ نقلِ مکانی زہرہ

اس سے پوچھے تو کوئی شب کی اذیت جا کر
تھی کسی کی وہ بنی اور کی رانی زہرہ
زہرہ مغل
Zehra Mughal