Gar Mere Qurb Ka Koi Bhi Ameen Hai Tou Hai Yeh Bhi Sach Hai Jo Mere Pas Nahi Hai Tou Hai

گر مرے قُرب کا کوئی بھی امیں ہے تو ہے
یہ بھی سچ ہے جو مرے پاس نہیں ہے، تُو ہے
Gar Mere Qurb Ka Koi Bhi Ameen Hai Tou Hai
Yeh Bhi Sach Hai Jo Mere Pas Nahi Hai Tou Hai
مجھ سے بڑھ کر ہے جسے تجھ سے محبت، میں ہوں
تجھ سے بڑھ کر بھی اگر کوئی حسیں ہے تُو ہے

اک گنہگار خطا کار سا بندہ میں ہوں
یہ جو سجدے میں پڑی میری جبیں ہے، تُو ہے

سر پہ ٹوٹا ہے فلک جس کے، یہ بے بس میں ہوں
جو سرکتی ہوئی پاؤں سے زمیں ہے تُو ہے

زخم کھا کھا کے یہ ہنستا ہوا بسمل میں ہوں
زخم دے دے کے ستمگر جو حزیں ہے، تو ہے

دل و دنیا میں جو حائل ہے، یہ پردہ میں ہوں
اور پردے میں جو اک پردہ نشیں ہے، تو ہے

جو سرِ خاک ہے صد چاک، یہ میں ہوں شہظل
میرا مالک جو سرِ عرشِ بریں ہے تو ہے
شہظل خاں
Shehzil Khan