Hijar Mein Waqt Guzara Main Ne Kar Lia Kitna Khasara Main Ne

ہجر میں وقت گزارا میں نے
کر لیا کتنا خسارہ میں نے
Hijar Mein Waqt Guzara Main Ne
Kar Lia Kitna Khasara Main Ne
راستہ ہے نہ ہے کوئی رہبر
چاہا تھا ایک سہارا میں نے

عزتِ نفس کو پیچھے رکھ کر
آج پھر اس کو پکارا میں نے

کون رکتا ہے کسی کے روکے
کر کے دیکھا ہے اشارہ میں نے

لوٹ بھی آئے تو چپ رہنا ہے
کچھ نہیں کہنا خدارا میں نے

آسماں سے زمیں تک جو آیا
دیکھا ہے ٹوٹا ستارہ میں نے

بن گیا میری ہی جاں کا دشمن
جب کوئی صدقہ اتارا میں نے