Muhabaton Mein Hous Ke Aaseer Hum Bhi Nahi Ghalat Na Jan Keh Itne Haqeer Hum Bhi Nahi

مُحبّتوں میں ہوس کے اسیر ہم بھی نہیں
غلط نہ جان کہ اِتنے حقیر ہم بھی نہیں
Muhabaton Mein Hous Ke Aaseer Hum Bhi Nahi
Ghalat Na Jan Keh Itne Haqeer Hum Bhi Nahi
نہیں ہو تم بھی قیامت کی تند و تیز ہَوا
کسی کے نقشِ قدم کی لکیر ہم بھی نہیں

ہماری ڈوبتی نبضوں سے زندگی تو نہ مانگ
سخی تو ہیں مگر اِتنے امیر _ ہم بھی نہیں

کرم کی بھیک نہ دے، اپنا تخت بخت سنبھال
ضرورتوں کا خُدا تُو فقیر ہم بھی نہیں

شبِ سِیاہ کے مہمان دار ٹھہرے ہیں
وگرنہ تِیرگیوں کے سفیر ہم بھی نہیں

ہمیں بُجھا دے ہماری اَنا کو قتل نہ کر
کہ بے ضرر ہی سہی، بے ضمیر ہم بھی نہیں
محسنؔ نقوی
Mohsin Naqvi