Sadi Akh Di Rat Nachod Ke Sanon Wich Rahwan Dy Chod Ke
ساڈی اکھ دی رَت نچوڑ کے
سانوں وچ راہواں دے چھوڑ کے
Sadi Akh Di Rat Nachod Ke
Sanon Wich Rahwan Dy Chod Ke
سانوں درداں دے نال جوڑ کے
کوئی ناگ ہجر دا ڈنگ گیا
اک ہور دسمبر لنگھ گیا
ساڈے ماس دا بالن بال کے
ساڈا ہسدا جوبن گال کے
سانوں اگاں وچ اُچھال کے
کوئی سُولی اُتے ٹنگ گیا
اک ہور دسمبر لنگھ گیا
دو اکھر پیار دے بول کے
کناں وچ مشری گھول کے
سانوں نشیاں وچ مدھول کے
کوئی رنگ اپنے وچ رنگ گیا
اک ہور دسمبر لنگھ گیا
سانوں اندرو اندری توڑ کے
سانوں ککھاں وانگ مروڑ کے
سانوں وچ قبراں دے روڑھ کے
کوئی ساہنواں ساتھوں منگ گیا
اک ہور دسمبر لنگھ گیا
ساڈے دل دا بوہا کھول کے
ساڈا سینہ اندروں پھول کے
سانوں وچ خواباں دے رول کے
کوئی بدل تھل دا کھنگ گیا
اک ہور دسمبر لنگھ گیا
Comments
Post a Comment