Sirf Itne Mein Hi Ho Jata Guzara Mera Pooch Laita Woh Agar Haal Dobara Mera

صرف اتنے میں ہی ہو جاتا گزارا میرا
پوچھ لیتا وہ اگر حال دوبارہ میرا
Sirf Itne Mein Hi Ho Jata Guzara Mera
Pooch Laita Woh Agar Haal Dobara Mera
اس سے اندازہ لگا لو کہ وہ خود کیا ہو گا
جس کی ٹھوکر سے چمکتا تھا ستارہ میرا

خیر اور شر میں توازن ہی نہیں رکھ سکتا
کون سمجھے گا مری جان خسارا میرا

کیا ضروری ہے کہ ہم ایک زباں بولتے ہوں
عشق کرتا ہے تو سمجھے گا اشارہ میرا

میں وہ دریا جو سمندر میں الگ بہتا ہے
پانی ہوتا ہی نہیں ہے کبھی کھارا میرا

جب وہ لڑتی تھی تو پنجابی زباں بولتی تھی
خود بخود نیچے چلا آتا تھا پارہ میرا

تم نے چھوڑا ہے تو میں چاہے جہاں بھی جاؤں
جھگڑا بنتا ہی نہیں اب تو تمہارا میرا
حسیب الحسن
Haseeb ul Hasan