Wafa Ho Kar , Jafa Ho Kar , Haya Ho Kar Ada Ho Kar Samaye Woh Mere Dil Mein Nahi Maloom Kia Ho Kar

وفا ہو کر، جفا ہو کر، حیا ہو کر ادا ہو کر
سمائے وہ میرے دل میں نہیں معلوم کیا ہو کر
Wafa Ho Kar , Jafa Ho Kar , Haya Ho Kar Ada Ho Kar
Samaye Woh Mere Dil Mein Nahi Maloom Kia Ho Kar
میرا کہنا یہی ہے تو نہ رخصت ہو خفا ہو کر
اب آگے تیری مرضی جو بھی تیرا مدعا ہو، کر

نہ وہ محفل، نہ وہ ساقی، نہ وہ ساگر، نہ وہ بادہ
ہماری زندگی اب رہ گئی ہے بے مزہ ہو کر

بہرصورت وہ دل والوں سے دل کو چھین لیتے ہیں
مچل کر، مسکرا کر، روٹھ کر، تن کر خفا ہو کر

نہ چھوڑو ساتھ میرا ہجر کی شب ڈوبتے تارو
نہ پھیرو مجھ سے یوں آ نکھیں میرے غم آ شنا ہو کر

انہیں پھر کون جانچے، کون تولے گا نگاہوں میں
اگر کانٹے رہیں گلشن میں پھولوں سے جدا ہو کر

جہاں سے وہ ہمیں ہلکی سی بھی آواز دیتے ہیں
وہاں ہم جا پہنچتے ہیں محبت میں ہوا ہو کر