Yeh Chahatein Yeh Pazeeraian Bhi Jhooti Hein Yeh Umar Bhar Ki Shanasaian Bhi Jhooti Hein

یہ چاہتیں یہ پذیرائیاں بھی جھوٹی ہیں
یہ عمر بھر کی شناسائیاں بھی جھوٹی ہیں
Yeh Chahatein Yeh Pazeeraian Bhi Jhooti Hein
Yeh Umar Bhar Ki Shanasaian Bhi Jhooti Hein
یہ لفظ لفظ محبت کی یورشیں بھی فریب
یہ زخم زخم مسیحائیاں بھی جھوٹی ہیں

میرے جُنوں کی حقیقت بھی سر بسر جھوٹی
ترے جمال کی رعنائیاں بھی جھوٹی ہیں

کُھلی جوآنکھ تو دیکھا کہ شہرِفُرقت میں
تیری مہک تری پرچھائیاں بھی جھوٹی ہیں

فریب کار ہیں اِظہار کے سب وسیلے بھی
خیال و فکر کی گہرائیاں بھی جھوٹی ہیں

تمام لفظ و معانی بھی جھوٹ ہیں ساجد
ہمارے عہد کی سچائیاں بھی جھوٹی ہیں