Band poora kiya, misra nahi chhora us ne Wapsi anay ka bhi rasta nahi chhora us ne

بند پورا کیا مصرع نہیں چھوڑا اس نے
واپس آنے کا بھی رستہ نہیں چھوڑا اس نے
Band poora kiya, misra nahi chhora us ne
Wapsi anay ka bhi rasta nahi chhora us ne

دل، جگر آنکھ پہ یکساں اثرانداز ہوا
کوئی سنسان جزیرہ نہیں چھوڑا اس نے
Dil, jigar, ankh pe yaksan asar andaz hua
Koi sunsan jazeera nahi chhora us ne

 
نیم جاں مجھ کو خدا جانے وہ کیوں چھوڑ گیا
کبھی منصوبہ ادھورا نہیں چھوڑا اس نے
Neem jan mujh ko Khuda jane wo kyun chhor gaya
Kabhi mansooba adhoora nahi chhora us ne

 
شورِ بازار میں شامل تھا وہ شوریدہ مزاج
اور تنہائی میں تنہا نہیں چھوڑا اس نے
Shor e bazar mein shamil tha wo shoreedah mizaj
Aur tanhaiy mein tanha nahi chhora us ne

 
کسی طراز گھرانے کی حسیں لڑکی تھی
توڑنے میں بھی سلیقہ نہیں چھوڑا اس نے
Kisi tarraz ghharane ki haseen larki thi
Torne mein bhi saleeqa nahi chhora us ne

 
عاجز کمال رانا
Aajiz Kamaal Rana