Bhool bhi jana usay aur khabar bhi rakhna Phir kahin khwab ki wadi mein nazar bhi rakhna

بھول بھی جانا اُسے اور خبر بھی رکھنا
پھر کہیں خواب کی وادی میں نظر بھی رکھنا
Bhool bhi jana usay aur khabar bhi rakhna
Phir kahin khwab ki wadi mein nazar bhi rakhna

 
عشق سے پہلے کوئی ضبط کا سامان کرو
چل رہے ہو تو کوئی رختِ سفر بھی رکھنا
Ishq se pehle koi zabt ka saman karo
Chal rahe ho to koi rakht e safar bhi rakhna

 
جب انا کہتی ہے، دیوار کے جیسا بن جا
ظرف کہتا ہے کہ دیوار میں در بھی رکھنا
Jab anaa kehti hai deewar ke jaisa ban ja
Zarf kehta hai ke deevar mein bhi dar rakhna

 
یہ مرا کام ہے خاموشی بھی سن لیتا ہوں
ہر کسی کو نہیں آتا یہ ہنر بھی رکھنا
Ye mera kaam hai khamoshi bhi sun leta hoon
Har kisi ko nahi ata ye hunar bhi rakhna

 
تم کسی خواب کی خواہش تو لیے بیٹھے ہو
کوزۂ چشم کو اب تھوڑا سا بھر بھی رکھنا
Tum kisi khwab ki khwahish to liye baithe ho
Kooza e chashm ko ab thora sa bhar bhi rakhna

 
بات کرنے کا سلیقہ ہی نہیں ربِ سخن
تُو مری بات میں اک درجہ اثر بھی رکھنا
Bat karne ka saleeqa hi nahi Rab e sukhan
Tu meri bat mein ek darjah asar bhi rakhna

 
صرف کانٹے ہیں یہاں جس بھی شجر کو دیکھو
صرف پتھر ہیں یہاں، پاؤں جدھر بھی رکھنا
Sirf kante hain yahan jis bhi shajar ko dekho
Sirf patthar hain yahan, pa’on jidhar bhi rakhna

 
مثبت امید ہی کافی نہیں شؔہزاد میاں
عشق ہو جائے تو پھر ہجر کا ڈر بھی رکھنا
Masbat umeed hi kafi nahi Shehzad Mian
Ishq ho jaae to phir hijr ka dar bhi rakhna

شؔہزاد علی
Shehzad Ali