Dil mera soch ke is bat ko dar jata hai Apne pairon ko bachaoun to safar jata hai

دل مرا سوچ کے اس بات کو ڈر جاتا ہے
اپنے پیروں کو بچاؤں تو سفر جاتا ہے
Dil mera soch ke is bat ko dar jata hai
Apne pairon ko bachaoun to safar jata hai

کچھ نہ پوچھو کہ بھلا ہوتا ہے کیا دل کے ساتھ
جب کوئی عہدِ محبت سے مکر جاتا ہے
Kuch na poochho ke bhalaa hota hai kia dil ke sath
Jab koi ehd e muhabbat se muker jata hai

 
جب بھی بچھڑے ہوۓ لمحے مجھے یاد آتے ہیں
دل مرا درد کے طوفان سے بھر جاتا ہے
Jab bhi bichhre huya lamhe mujhe yad atay hain
Dil mera dard ke toofan se bhar jata hai

اس قدر رنگ زمانہ سے پریشان ہے دل
جب کوئی پیار سے ملتا ہے تو ڈر جاتا ہے
Is qadar rang e zamana se pareshan hai dil
Jab koi pyar se milta hai to dar jata hai

دور پتھر کا ہے پتھر ہی یہاں جیتے ہیں
نرم دل وقت سے پہلے یہاں مر جاتا ہے
Dard patthar ka hai, patthar hi yahan jeete hain
Narm dil waqt se pehle yahan  mar jata hai

غلطی کوئی بھی تسلیم نہیں کرتا ہے
جرم ہر کوئی کسی اور پہ دھر جاتا ہے
Ghalati koi bhi tasleem nahi karta hai
Jurm har koi kisi aur pe dharkan jata hai

کچھ نہیں ملتا محبت میں، یہی سچ ہے سحر
پیار کے کھیل میں انسان بکھر جاتا ہے
Kuch nahi milta muhabbat mein, yehi sach hai Sahar
Pyar ke khhel mein insan bikhhar jata hai

نادیہ سحر
Nadia Sahar