Doob gaya hai aik sitara ankhon mein Thehr gaya hai naqsh tumhara ankhon mein

ڈوب گیا ہے ایک ستارہ آنکھوں میں
ٹھہر گیا ہے نقش تمہارا آنکھوں میں
Doob gaya hai aik sitara ankhon mein
Thehr gaya hai naqsh tumhara ankhon mein

 پتھرائی ہیں آنکھیں غم کی شدت سے
رکا ہوا ہے موسم سارا آنکھوں میں
Patthraiy hain ankhen gham ki shiddat se
Ruka hua hai mausam sara ankhon mein

 
وہ لوگوں کے ساتھ ہنسی میں شامل تھی
پھیل گیا لیکن مسکارا آنکھوں میں
Wo logon ke sath hansi mein shamil thi
Phail gaya lekin maskara ankhon mein

 
میں نے اس کی آنکھوں میں چہرہ دیکھا
اس نے اپنا روپ سنوارا آنکھوں میں
Main ne us ki ankhon mein chehra dekha
Us ne apna roop sanwara ankhon mein

 
بہت دنوں سے ہم کو نیند نہیں آئی
تم نے کیسا خواب اتارا آنکھوں میں
Bohat dinon se hum ko neend nahi aiy
Tum ne kaisa khwab utara ankhon mein

 
چاروں جانب پانی کی پہنائی ہے
کہیں نہیں ہے کوئی کنارا آنکھوں میں
Charon janib pani ki pehnaiy hai
Kahin nahi hai koi kinara ankhon mein

 
لیے ہوئے پھرتا ہوں ایک زمانے سے
تیرے چہرے کا لشکارا آنکھوں میں
Liye huay phirta hoon aik zamane se
Tere chehre ka lashkara ankhon mein

 
افضال فردوس
Afzaal Firdaus