Ghusay Wich Ty Ag Ugaldian Mushkil Nal Manaian Akhan
غُصے وِچ تے اَگ اُگلدِیاں
مشکل نال منائیاں اَکھاں
Ghusay Wich Ty Ag Ugaldian
Mushkil Nal Manaian Akhan
خَنجر نالوں ہین ترِکھیاں
کِتھوں تیز کرائیاں اَکھاں
اِیناں تے اعتبار ناں کوئی
دیوَن لَکھ صفائیاں اَکھاں
جان کَڈھ کے لَے جاندیاں
ہوجان جَد پرائیاں اَکھاں
دِل وچ جِسدے چور ہوئے
اوسے تَک چرائیاں اَکھاں
قہر دے وِچ کَدی آ جاون
تَکن وانگ قصائیاں اَکھاں
پُھلاں تے وی نِکھار آ جاوے
جَدوں او شرمائیاں اَکھاں
کَدی کَدی اِنج پیاہ جاپے
رَب نیں آپ بنائیاں اَکھاں
کَلیاں وی کِھل کِھل جاون
جدوں وی ہسائیاں اکھاں
سانوں بُہتی نہ چَڑھ جائے
تَد نَئیں اُس چائیاں اَکھاں
نخرے وی شرمندہ ھُندے
بُھل کے جَد اِترائیاں اکھاں
پڑھن والا پڑھ سکدا _ کوئی
پڑھنیاں کی شدائیاں اَکھاں
جان وی اوہدی اَڑی رھوے
جِن وی کِتے اڑائیاں _ اَکھاں
ایناں گَلاں توں ڈَر ڈَر کے
کِتے جَگے ناں لَڑائیاں اَکھاں
Comments
Post a Comment