Hain hami dard ki shiddat se nikhhare huay loag Tum ne dekhe hain kahan jeet ke haare huay loag

ہیں ہمِیں درد کی شدت سے نکھارے ہوئے لوگ
تم نے دیکھے ہیں کہاں جیت کے ہارے ہوئے لوگ
Hain hami dard ki shiddat se nikhhare huay loag
Tum ne dekhe hain kahan jeet ke haare huay loag

 
سارے ہی ہجرزدہ خواب کی تعبیر میں گم
سارے ہی خواب کی دنیا سے گزارے ہوئے لوگ
Sare hi hijr zadaa khwab ki tabeer mein gum
Sare hi khwab ki duniya se guzare huay loag

ایک ہم ہی تو نہیں دردِ شکستہ کی مثال
ایک ہم ہی تو نہیں پیار کے مارے ہوئے لوگ
Aik hum hi to nahi dard e shikasta ki misal
Aik hum hi to nahi pyar ke maare huay loag

 
اب کسی ترکِ تعلق کا گلہ ہے نہ ملال
دل میں رہتے ہیں کہاں دل سے اتارے ہوئے لوگ
Ab kisi tark e talluq ka gila hai na malal
Dil mein rehte hain kahan dil se utare huay loag

 
یاد کے ابر میں چمکا کوئی بھٹکا جگنو
چاند کی دید میں جاگے تو ستارے ہوئے لوگ
Yad ke abr mein chamka koi bhatka jugnu
Chaand ki deed mein jaage to sitare huay loag

 
دل کی پتھرائی ہوئی آنکھ میں دریا چپ تھا
اور دریا کا چلن دیکھ کنارے ہوئے لوگ
Dil ki pathraiy hui ankh mein dariya chup tha
Aur dariya ka chalan dekh kinare huay loag

 
درد کی جھیل میں قصے تھے تہہِ آبِ رواں
جب سنے ہم سے زبانی تو ہمارے ہوئے لوگ
Dard ki jheel mein qisse thay teh e aab e ravan
Jab sune hum se zubani to hamare huay loag

 
آج کانٹوں سے بھرا لاکھ ہو دامن اپنا
تھے کبھی ہم بھی غزل پھول سے وارے ہوئے لوگ
Aj kanton se bhara lakh ho daman apna
Thay kabhi hum bhi ghazal phool se vare huay loag

 
ذکیہ غزل
Zakia Ghazal