Hawa se dhund ka jaise hisar toot-ta hai Ye zoam e dil bhi sar e ku e yar toot-ta hai

ہوا سے دھند کا جیسے حصار ٹوٹتا ہے
یہ زعم ِ دل بھی سر ِ کوۓ یار ٹوٹتا ہے
Hawa se dhund ka jaise hisar toot-ta hai
Ye zoam e dil bhi sar e ku e yar toot-ta hai

کبھی کبھی مجھے ہوتی ہے دشمنوں کی طلب
کبھی کبھی تو کوئی اعتبار ٹوٹتا ہے
Kabhi kabhi mujhe hoti hai dushmanon ki talab
Kabhi kabhi to koi aitbar toot-ta hai

وہیں پہ آنکھ خیالوں کو گانٹھ دیتی ہے
جہاں پہ خواب کے آنچل کا تار ٹوٹتا ہے
Wahin pe ankh khayalon ko ganth deti hai
Jahan pe khwab ke anchal ka taar toot-ta hai

رقابتوں کا تسلسل ہو جیسے اب یہ حیات
میں پھول شاخ سے کھینچوں تو خار ٹوٹتا ہے
Raqabaton ka tasalsul ho jaise ab ye hayat
Main phool shakh se khhenchoon to khar toot-ta hai

پھر اک سرے سے میں گِنتا ہوں اپنی وحشت کو
ستارہ پھر کوئی زیر ِ شمار ٹوٹتا ہے
Phir ek sire se main ginta hoon apni wehshat ko
Sitara phir koi zer e shumar toot-ta hai
کسی کے ہجر کو سولی اگر چڑھاتے ہیں
ستون گرتے ہیں، افسون دار ٹوٹتا ہے
Kisi ke hijr ko sooli agar charhate hain
Sutoon girte hain, afsoon e daar toot-ta hai

 
اسے نہ جوڑ سکے گا وصال ِ صبح کوئی
وہ آئینہ جو شب ِ انتظار ٹوٹتا ہے
Usay ne jor sake ga wisal e subh koi
Wo aiyna jo shab e intizar toot-ya hai

کہاں تلک کوئی پیوند کاریاں جھیلے
یہ حوصلہ ہے میاں، بار بار ٹوٹتا ہے
Kahan talak koi paiwand kaariyan jhele
Ye hausla hai mian, baar baar toot-ta hai

ہے دل کے کمرے میں آسیب کوئی یادوں کا
کواڑ کھلتے ہیں شیشے کا جار ٹوٹتا ہے
Hai dil ke kamre mein aseb koi yadon ka
Kivar khhulte hain, sheeshe ka jaar toot-ya hai

وہ حال پوچھ لے تو درد کوچ کر جائیں
وہ ہاتھ نبض پہ رکھ دے، بخار ٹوٹتا ہے
Wo haal poochh le to dard kooch kar jayen
Wo hath nabz pe rakh de, bukhar toot-ta hai

اس ارتکاز کو کہتے ہیں مئے کشی شاید
پلک بھی جھپکے کوئی تو خمار ٹوٹتا ہے
Is irtikaz ko kehte hain mai kashi shayed
Palak bhi jhapke koi to khumar toot-ta hai

عجب سیاسی مسائل کا سامنا ہے ضمیر
عدو کو ساتھ ملاؤں تو یار ٹوٹتا ہے
Ajab sayasi masa’il ka samna hai Zameer
Adu ko sath milaoun to yar toot-ta hai

ضمیر قیس
Zameer Qais