Ishq Di Hami Bhar Di Na Ty Ki Kar Di Kachay Ghaday Te Tar Di Na Ty Ki Kar Di
عشق دی حامی بھر دی نہ تے کی کردی
کچے گھڑے تے تر دی نہ تے کی کردی
Ishq Di Hami Bhar Di Na Ty Ki Kar Di
Kachay Ghaday Te Tar Di Na Ty Ki Kar Di
چھلاں چاروں پاسے گھیرا پا لیا سی
جان دی بازی ہردی نہ تے کی کردی
قسمت دے وچ اے جدائی لکھی سی
میں وچھوڑا جردی نہ تے کی کردی
ہر پاسے ای دکھ دے کنڈے کھلرے سی
پیر ایناں تے دھردی نہ تے کی کردی
دشمن میری گھات اچ بیٹھے ہوئے سی
میں اوناں توں ڈردی نہ تے کی کردی
رسوائیاں دا راہ وچ میلہ لگا سی
لاج بچوندی گھر دی نہ تے کی کردی
چُپ دے جندرے بلاں اُتے لگے سی
گھٹ صبر دا بھردی نہ تے کی کردی
شمیم چودھری
Shameem Choudhry
Comments
Post a Comment