Kab gawara thi zamane ki koi bat mujhe Wo to le aiy yahan gardish e halaat mujhe

کب گوارہ تھی زمانے کی کوئی بات مجھے
وہ تو لے آئی یہاں گردشِ حالات مجھے
Kab gawara thi zamane ki koi bat mujhe
Wo to le aiy yahan gardish e halaat mujhe

 
روک سکتی ہوں اسے روز ِ قیامت تک بھی
سنگ تیرے جو ملے پیار کی اک رات مجھے
Roak sakti hoon usay roz e qayamat tak bhi
Sang tere jo mile pyar ki ek rat mujhe

 
روز ملتے ہیں حسیں چہرے تو بازاروں میں
دل میسر ہی نہیں حسب ِ خیالات مجھے
Roz milte hain haseen chehre to bazaron mein
Dil mayassir hi nahi hasb e khayalat mujhe

 
آخری گام تلک جیت ہی سمجھی میں نے
بڑی تدبیر سے لائی ہے مری مات مجھے
Akhri gam talak jeet hi samjhi main ne
Bari tadbeer se laai hai meri maat mujhe

 
لوگ جس کار ِ اذیت میں مرے جاتے ہیں
زندہ رکھتے ہیں وہی ہجر کے لمحات مجھے
Loag jis kaar e azziyat mein mare jate hain
Zinda rakhte hain wohi hijr ke lamhat mujhe

 
تم سے ملنے کے لیے روز پڑھا کرتی تھی
اب بچھڑ نے ہی نہیں دیتیں یہ آیات مجھے
Tum se milne ke liye roz parha karti thi
Ab bichharne hi nahi deteen ye ayat mujhe

 
لفظ ہونٹوں سے نکلتے ہوئے مر جاتے ہیں
اس سے آتی ہی نہیں کرنی شکایات مجھے
Lafz honton se nikalte huay mar jate hain
Us se ati hi nahi karni shikayat mujhe

 
فوزیہ شیخ
Fauzia Sheikh