Kaun aye ga yahan koi na aya ho ga Mera darwaza hawaon ne hilaya ho ga

کون آئے گا یہاں، کوئی نہ آیا ہو گا
میرا دروازہ ہواؤں نے ہلایا ہو گا
Kaun aye ga yahan koi na aya ho ga
Mera darwaza hawaon ne hilaya ho ga

 
دل ناداں، نہ دھڑک، اے دل ناداں، نہ دھڑک
کوئی خط لے کے پڑوسی کے گھر آیا ہو گا
Dil e nadan, na dharak, ay dil e nadan, na dharak
Koi khat le ke parosi ke ghar aya ho ga

 
اس گلستاں کی یہی ریت ہے اے شاخ گل
تو نے جس پھول کو پالا وہ پرایا ہو گا
Is gulistan ki yehi reet hai ay shakh e gul
Tu ne jis phool ko pala, wo paraya ho ga

 
دل کی قسمت ہی میں لکھا تھا اندھیرا شاید
ورنہ مسجد کا دیا کس نے بجھایا ہو گا
Dil ki qismat hi mein likhha tha andhera shayed
Warna masjid ka diya kis ne bujhaya ho ga

 
گل سے لپٹی ہوئی تتلی کو گرا کر دیکھو
آندھیو تم نے درختوں کو گرایا ہو گا
Gul se lipti hui titli ko gira kar dekho
Aandhiyo tum ne darakhton ko giraya ho ga

 
کھیلنے کے لیے بچے نکل آئے ہوں گے
چاند اب اس کی گلی میں اتر آیا ہو گا
Khhelne ke liye bache nikal aye hon ge
Chaand ab us ki gali mein uter aya ho ga

 
کیفؔ پردیس میں مت یاد کرو اپنا مکاں
اب کے بارش نے اسے توڑ گرایا ہو گا
Kaif pardes mein mat yad karo apna makan
Ab ke barish ne usay tor giraya ho ga

 
کیفؔ بھوپالی
Kaif Bhopali