Khaday Hi Reh Gaye Main Aur Intezar Mera Mazaq Udati Rahi Gard e Raqhguzar Mera

کھڑے ہی رہ گئے مَیں اور انتظار مِرا
مذاق اُڑاتی رہی گردِ رہگُزار مِرا
Khaday Hi Reh Gaye Main Aur Intezar Mera
Mazaq Udati Rahi Gard e Raqhguzar Mera
مَیں کش لگاتا ہوں اور آپ جھڑتا جاتا ہوں
سُلگ رہا ہے مِری راکھ سے سگار مِرا

یہ دل، یہ گرد بھرا تخت روز کہتا ہے
کہاں گیا ہے ترا غم وہ شہریار مِرا

گِرا ہے مجھ سے بہت دُور لمحۂ امروز
کوئی دبوچ نہ لے جائے یہ شکار مِرا

نجانے کب مجھے رُوپوش ہونا پڑ ﺟﺎئے
سو چل رہا ہے مِرے ساتھ ساتھ غار مِرا
سعید شارق
Saeed Shariq