Koi Khushi , Na Koi Gham Hai , Kia Kia Jaye Bada Ajeeb Sa Alam Hai Kia Kia Jaye

کوئی خوشی، نہ کوئی غم ہے، کیا کیا جائے
بڑا عجیب سا عالم ہے کیا کیا جائے
Koi Khushi , Na Koi Gham Hai , Kia Kia Jaye
Bada Ajeeb Sa Alam Hai Kia Kia Jaye
ذرا سکوں ہو میسر تو کوئی بات بنے
یہاں تو گردش پیہم ہے، کیا کیا جائے

کہیں سے چیخ بھی اٹھی تو رہ گئی دب کر
کہ گھنگھرؤں کی چھما چھم ہے، کیا کیا جائے

کہاں سے لائیے معصومیت فرشتوں سی
گناہ فطرت آدم ہے کیا کیا جائے

اسیرؔ خواب دکھایا گیا تھا جنت کا
گلی گلی میں جہنم ہے، کیا کیا جائے