Mera ghhao sadqa e shauq tha, so haraa raha Ye kasak nawazish e yar thi so bahal hai

مِرا گھاؤ صَدقۂ شَوق تھا سو ہَرا رہا
یہ کسک نوازشِ یار تھی سو بَحال ہے
Mera ghhao sadqa e shauq tha, so haraa raha
Ye kasak nawazish e yar thi so bahal hai

 
مِری کُل ریاضتِ عِشق خام سی خام تھی
تِرا کم نِگاہی سے دیکھنا بھی کمال ہے
Meri kul riazat e ishq khaam si khaam thi
Tera kam nigahi se dekhna bhi kamal hai

 
جو مِری رَگوں میں اُگی تھی شاخِ طَلب، اُسے
تِری بے دِلی سے نَمو مِلی سو نِہال ہے
Jo meri ragon mein ugi thi shakh e talab, usay
Teri bedili se namu mili so nihal hai

 
مِرے گِرد گَرد و غُبار اُڑتا ہے چار سُو
مِرے خُوبرُو تُو جَمال تھا، تُو جَمال ہے
Mere gird gard o ghubar urta hai char su
Mere khoobru tu jamal tha tu jamal hai

 
سیماب ظفر
Seemab Zafar