Mere Humsafar ! Teri Nazar Hein Meri Umar Bhar Ki Yeh Daoltein Mere Shair , Meri Sadaqatein , Meri Dhadkanein , Meri Chahatein

مرے ہمسفر! تری نذر ہیں مری عمر بھر کی یہ دولتیں
مرے شعر، میری صداقتیں، مری دھڑکنیں، مری چاہتیں
Mere Humsafar ! Teri Nazar Hein Meri Umar Bhar Ki Yeh Daoltein
Mere Shair , Meri Sadaqatein , Meri Dhadkanein , Meri Chahatein
تجھے جذب کرلوں لہو میں میں کہ فراق کا نہ رہے خطر
تری دھڑکنوں میں اتار دوں میں یہ خواب خواب رفاقتیں

یہ ردائے جاں تجھے سونپ دوں کہ نہ دھوپ تجھ کو کڑی لگے
تجھے دکھ نہ دیں مرے جیتے جی سرِ دشت غم کی تمازتیں

مری صبح تیری صدا سے ہو، مری شام تیری ضیا سے ہو
یہی طرز پرسشِ دل رکھیں تری خوشبوں کی سفارتیں

کوئی ایسی بزم بہار ہو میں جہاں یقین دلا سکوں
کہ ترا ہی نام ہے فصلِ گل، کہ تجھی سے ہیں یہ کرامتیں

ترا قرض ہیں مرے روز و شب، مرے پاس اپنا تو کچھ نہیں
مری روح ، میری متاعِ فن ، مرے سانس تیری امانتیں

اعتبار ساجد
Aitbar Sajid