Mere siwa sar e maqtal muqam kis ka hai Kaho ke ab lab e qatil pe naam kis ka hai

مِرے سوا سرِ مقتل مقام کِس کا ہے
کہو کہ اب لبِ قاتل پہ نام کِس کا ہے
Mere siwa sar e maqtal muqam kis ka hai
Kaho ke ab lab e qatil pe naam kis ka hai

 
یہ تخت و تاج و قبا، سب اُنھیں مبارک ہوں
مگر بہ نوکِ سِناں احترام کِس کا ہے
Ye rakhti o taj o qaba, sab unhen mubarak hon
Magar ba noak e sinan ehtiram kis ka hai

تُمہاری بات نہیں، تم تو چارہ گر تھے مگر
یہ جشنِ فتح پسِ قتلِ عام کِس کا ہے
Tumhari bat nahim, tum to charah gar thay magar
Ye jashn e fatah pas e qatl e aam kis ka tha

ہماری لاش پہ ڈھونڈو نہ اُنگلیوں کے نشاں
ہمیں خبر ہے عزیزو یہ کام کِس کا ہے
Hamari lash pe dhoondo na ungliyon ke nishan
Humen khabar hai azizo ye kaam kis ka hai

 
فنا کے ہانپتے جھونکے ہَوا سے پُوچھتے ہیں
جبینِ وقت پہ نقشِ دوام کِس کا ہے
Fana ke hanpte jhaunke hawa se poochhte hain
Jabeen e waqt pe naqsh e dawam kis ka hai

 
تُمہاری بات تو حرفِ غلط تھی، مِٹ بھی گئی
اُتر گیا جو دِلوں میں کلام کِس کا ہے
Tumhari bat to harf e ghalat thi, mit bhi gaiy
Uter gaya jo dilon mein kalam kis ka hai

 
وُہ مطمئن تھے بہت قتل کر کے محسنؔ کو
مگر یہ ذکرِ وفا صُبح و شام کِس کا ہے
Wo mutma’in thay bohat qatl kar ke Mohsin ko
Magar ye zikr e wafa subh o sham kis ka hai

 
محسنؔ نقوی
Mohsin Naqvi