Mujh Se Kahe Tou Masly Ka Hal Nikal Doon Uljha Hoa Hai Kab Se , Tujhe Chal Nikal Doon

مجھ سے کہے تو مسئلے کا حل نکال دوں
الجھا ہوا ہے کب سے، تجھے چَل نکال دوں
Mujh Se Kahe Tou Masly Ka Hal Nikal Doon
Uljha Hoa Hai Kab Se , Tujhe Chal Nikal Doon
اتنا تو اختیار دے اے دل مجھے کہ میں
جو دل دکھائے دل سے اسی پل نکال دوں

جو میرے بس میں ہو تو میں اپنی حیات سے
تیرے بغیر بیتے سبھی پل نکال دوں

اک بار مسکرا کے مجھے دیکھ مہرباں
اس وحشتِ مکان کے کَس بل نکال دوں

وہ تیرگی میں روتا ہے سورج کے واسطے
جگنو تو کہہ رہا ہے اسے، چل نکال دوں

کٹھنائیاں بناتی ہیں اک داستاں کو خاص
سسی ہے کیا کہانی سے جو تھل نکال دوں
شمائلہ فاروق
Shumaila Farooq