Palat ke dasht se anay mein sharmsari thi Hamare hath mein chaabi nahi thi, aari thi

پلٹ کے دشت سے آنے میں شرمساری تھی
ہمارے ہاتھ میں چابی نہیں تھی آری تھی
Palat ke dasht se anay mein sharmsari thi
Hamare hath mein chaabi nahi thi, aari thi

خطوط، ڈائری، سوکھے ہوئے گلاب کے پھول
تمام جل گئے تھے اب ہماری باری تھی
Khutoot, diary, sookhhe huay gulab ke phool
Tamam jal gaye thay ab hamari baari thi

 
خُدارا پوچھ نہ آنکھوں تَلے کی نِیلاہٹ
کسی نے طنز و ملامت اٹھا کے ماری تھی
Khudara poochh na ankhon tale ki neelahat
Kisi ne tanz o malamat utha ke maari thi

زہے نصیب تری جستجو کی جھیل میں ہم
اُتر کے دیکھ چکے، بےحساب کھاری تھی
Zähe naseeb teri justuju ki jheel mein hum
Uter ke dekh chuke be hisab khhaari thi

ہم اس کو دیکھتے یا دیکھتے گھڑی کی طرف
برائے وصل فقط ایک رات ساری تھی
Hum us ko dekhte ya dekhte ghhari ki taraf
Baraye wasl faqat aik rat sari thi

کہیں پہ آنکھ کہیں نیند کو چھپایا گیا
کہ خوابگاہوں میں ایسی بےاعتباری تھی
Kahin pe ankh, kahin neend ko chhupaya gaya
Ke khwabgahon mein aisi be aitbari thi

 
بٹھا کے دیکھ لیا تم کو عین باغ کے بیچ
تمھارے لمس کی خوشبو گُلوں پہ بھاری تھی
Bitha ke dekh lia tum ko ain bagh ke beech
Tumhare lams ki khushbu gulon pe bhaari thi

میں خامشی سے انہیں دیکھتا رہا فیضان
ہوائے شب کی چراغوں سے بحث جاری تھی
Main khamsuhi se unhen dekhta raha Faizan
Hawa e Shab ki charaghon se behs jaari thi

 
فیضان احمد فیضی
Faizan Ahmed Faizi