Rat ki ankh mein ek deep jalata hua main Ja raha tha kisi sooraj ko bulata hua main

رات کی آنکھ میں اک دیپ جلاتا ہوا میں
جا رہا تھا کسی سورج کو بُلاتا ہوا میں
Rat ki ankh mein ek deep jalata hua main
Ja raha tha kisi sooraj ko bulata hua main

 
اس خرابے کی طرف اور نہ آئے کوئی
اپنے ہی نقش قدم آپ مٹاتا ہوا میں
Is kharabe ki taraf aur na aye koi
Apne hi naqsh e qadam ap mitata hua main

 
میرا رُک جانا بھی ممکن تھا مگر جانے کیوں
چل پڑا گھر سے بھرے گھر کو رُلاتا ہوا میں
Mera ruk jana bhi mumkin tha magar jane kyun
Chal para ghar se bhare ghar ko rulata hua main

 
یاد رکھنا مجھے آوارہ ہوا کے جھونکو
خس و خاشاک ہوا عہد نبھاتا ہوا میں
Yad rakhna mujhe awara hawa ke jhaunko
Khas o khashak hua ehd nibhata hua main

 
گر پڑا آنکھ کی دیوار سے اور ٹُوٹ گیا
آنکھ کے گھر میں کوئی خواب بناتا ہوا میں
Gir para ankh ki deevar se aur toot gaya
Ankh ke ghar mein koi khwab banata hua main

 
بھری بستی میں کسی نے نہ مری بات سُنی
اور پھر تھک گیا اک شور مچاتا ہوا میں
Bhari basti mein kisi ne na meri bat suni
Aur phir thak gaya ek shor machata hua main

پھر مری یاد دعاؤں کا حوالہ ہو گی
حالت سجدہ میں اس شہر سے جاتا ہوا میں
Phir meri yad duaon ka hawala ho gi
Halat e sajdah mein is shehr se jata hua main

 
جانے کس لمحۂ وحشی کے کہے پر زاہد
اپنی ہی خاک کو خود آپ اُڑاتا ہوا میں
Jane kis lamha e wehshi ke kahe par Zahid
Apni hi khak ko khud ap urati hua main

 
زاہد شمسی
Zahid Shamsi