Ruk ja umre, akdi nai tu Pajdi pajdi thakdi nai tu

رُک جا عُمرے، اَکدی نئیں تُوں
پَجدی پَجدی تھَکدی نئیں تُوں
Ruk ja umre, akdi nai tu
Pajdi pajdi thakdi nai tu

 
بَہہ جا جھَٹ، کیوں اُڈنی پئی ایں
پَیر زمین تے رَکھدی نئیں تُوں
Baih ja jhat, kyun udni paiy en
Pair zameen te rakhdi nai tu

کن من دے وِچ لَنگدی پئی ایں
اَکھیے کُج وی دَسدی نئیں تُوں
Kin min de vich langdi paiy en
Akhhiye kuj vi dasdi nai tu

 
مینوں اپنے نال رلا لے
میرے باہجوں کَکھ دی نئیں تُوں
Mainu apne naal rala lai
Mere bahjon kakhh vi nai tu

 
کالیاں زُلفاں وِچوں چانن
مُکھ میرے دا تَکدی نئیں تُوں
Kaaliyan zulfan vichon Changan
Mukhh mere da takdi nai tu

روبینہ ناز بینا
Rubina Naz Bina