Sab Kehte Hein Aawara Hein Hum Khaak Udany Wale Hein Hum Qais Ke Yaaron Mein Se Hein Sahra Ko Basane Wale Hein
سب کہتے ہیں آ وارہ ہیں ہم خاک اڑانے والے ہیں
ہم قیس کے یاروں میں سے ہیں صحرا کو بسانے والے ہیں
Sab Kehte Hein Aawara Hein Hum Khaak Udany Wale Hein
Hum Qais Ke Yaaron Mein Se Hein Sahra Ko Basane Wale Hein
تم نگری نگری دیکھو تو بس مایوسی کے نغمے ہیں
ہم اشک چھپا کر آ نکھوں میں اوروں کو ہنسانے والے ہیں
ہم نوچ کے اپنی آ نکھوں کو اور بیچ کے اپنے سب سپنے
اک حجرہ چشم مفلس میں کچھ دیپ جلانے والے ہیں
تم ہاتھ میں لے کر ہاتھ چلو اس راہ میں اپنے ساتھ چلو
ہم خضر کے ہیں شاگرد میاں ہم راہ دکھانے والے ہیں
ہے ان کی جگہ اس دل میں الگ وہ جن کے لئے اک عمر کٹی
جو جاتے جاتے کہہ کے گئے ہم لوٹ کے آ نے والے ہیں
Comments
Post a Comment