Tu bad mizaj tha, tu ne bhi iltija nahi ki Jo ab faqeer se takrar, hai dua nahi ki

تو بدمزاج تھا، تو نے بھی التجا نہیں کی
جو اب فقیر سے تکرار ہے، دعا نہیں کی
Tu bad mizaj tha, tu ne bhi iltija nahi ki
Jo ab faqeer se takrar, hai dua nahi ki

 
میں خاندان کی پابندیوں سے واقف تھی
خدا کا شکر ہے اس شخص نے وفا نہیں کی
Main khanadan ki pabandiyon se waqif thi
Khuda ka shukr hai us shakhs ne wafa nahi ki

 
اذیتیں ہی سہی، دل کی چوٹ بھی ہے عزیز
پرانا زخم رفو کر لیا دوا نہیں کی
Azziyaten hi sahi, dil ki choat bhi hai aziz
Purana zakhm rafu kar lia, dawaa nahi ki

 
ہزار بار اجاڑا ہے زندگی نے مجھے
برا ضرور منایا ہے، بد دعا نہیں کی
Hazar baar ujara hai zindagi ne mujhe
Bura zarur manaya hai, bad dua nahi ki

ترے غرور سے بڑھ کر مری انا ہے مجھے
تو پوچھتا ہے محبت کا مجھ سے، جا، نہیں کی
Tere ghuroor se barh kar meri anaa hai mujhe
Tu poochhta hai muhabbat ka mujh se, ja, nahi ki

کومل جوئیہ
Komal Joya