Wo barha hi inhi raaston pe chalte hain Ajeeb loag hain, gir kar nahi sambhalte hain

وہ بارہا ہی انہی راستوں پہ چلتے ہیں
عجیب لوگ ہیں، گر کر نہیں سنبھلتے ہیں
Wo barha hi inhi raaston pe chalte hain
Ajeeb loag hain, gir kar nahi sambhalte hain

مقام اپنا بدلتی نہیں کوئی منزل
سفر میں لوگ کئی راستے بدلتے ہیں
Muqam apna badalti nahi koi manzil
Safar mein loag kaiy raaste badalte hain

لگاتے ہم پہ ہیں الزام بیوفائی جو
وہ قتل کر کے بھی بے داغ بچ نکلتے ہیں
Lagate hum pe hain ilzam e bewafaiy jo
Wo qatl kar ke bhi be dagh bach nikalte hain

 
چلے ہیں جو بھی یہاں عزم روشنی لے کر
چراغ ان کی امیدوں کے روز جلتے ہیں
Chale hain jo bhi yahan azm e raushni le kar
Charagh un ki umeedon ke roz jalte hain

 
وہی ہے دل، وہی دنیا وہی مسائل ہیں
سو ہم انہی سے بچھڑ کر انہی سے ملتے ہیں
Wohi hai dil, wohi duniya wohi masa’il hain
So hum unhi se bichhar kar unhi se milte hain

قدم اٹھے تو اسی سمت رخ رہا ان کا
محبتوں کے جہاں راستے نکلتے ہیں
Qadam uthe to usi simt rukh raha in ka
Muhabbaton ke jahan raaste nikalte hain

نفیس پرویز
Nafees Parvez