Ae Mere Dost Main , Tou Waqif Hon Hansty Hansty Jo Teri Aankh Chalak Aai Hai

اے مرے دوست میں، تو واقف ہوں
ہنستے ہنستے جوتری آنکھ چھلک آئی ہے
کچھ نہ کہنا بھی تو اندازِ شناسائی ہے
چار جانب جو بنائی ہے یہ حدِ فاصل
اِس میں کرنوں سے محبت کا جھروکہ ہے ﮐﻭئی
کوئی تو راز ہے پھر شام نکھر آئی ہے
Ae Mere Dost Main , Tou Waqif Hon
Hansty Hansty Jo Teri Aankh Chalak Aai Hai
اے مرے دوست میں، تو واقف ہوں
گو کہ پیمانۂ احساس بہت دُور سہی
تیرا دل مجھ سے، مرا تجھ سے ہے رنجور سہی
راستے دُور سہی، زخموں سے دل چور سہی
پھر بھی اِک شاخ ہری دل میں اتر آئی ہے
کوئی تو راز ہے پھر شام نکھر آئی ہے

اے مرے دوست، میں تو واقف ہوں
تو جو ہر جذب کی منزل سے گزر جاتا ہے
کھوٹے سکوں کی تجارت کے بہانے خود کو
رات دن خوابوں کے امکان سے بہلاتا ہے
جاگزیں دل میں ترے درد کی پہنائی ہے
کوئی تو راز ہے پھر شام نکھر آئی ہے

اے مرے دوست، میں تو واقف ہوں
شام اِس بار جو مہکی ہے تری دنیا میں
میں دعا گو ہوں، ترے دل کو قرار آ جائے
زندگی کیف و ترنّم کا ّتبسم لے کر
ایسے مہکے، ترے آنگن میں بہار آ جائے
زیرِ لب تیرے لبوں پر جو ہنسی آئی ہے
کوئی تو راز ہے پھر شام نکھر آئی ہے
اے مرے دوست، میں تو واقف ہوں
شائستہ مفتی
Shaista Mufti