Ajnabi Shehar Lagy Soorat e Zandan Mujh Ko Ly Chal Ae Mouj e Hawa , Sooye e Bayan Mujh Ko
اجنبی شہر لگے صُورتِ زنداں مُجھ کو
لے چل اے موجِ ہَوا، سُوئے بیاباں مُجھ کو
Ajnabi Shehar Lagy Soorat e Zandan Mujh Ko
Ly Chal Ae Mouj e Hawa , Sooye e Bayan Mujh Ko
رات آئے تو تِرے درد کی رُت بھی آئے
چاند نِکلے تو کرے دِل بھی پریشاں مُجھ کو
مَیں بھی بُجھنے کو ہُوں اے قتل گہِ شہر مگر
یاد رکھے گی تِری شامِ غریباں مُجھ کو
لوٹ آیا ہُوں نصیبِ غمِ یاراں بن کر
راس آئی نہ ہَوائے غمِ دَوراں مُجھ کو
تُو کہ دریا پہ برستا ہے، نہ صحراؤں میں
اپنی منزل تو بتا ابرِ گریباں مُجھ کو
یُوں بھی رُسوا تھی بہت خلوتِ دِل کی خُواہش
تیری چاہت نے کیا اور نمایاں مُجھ کو
اپنا گھر کِتنا ہی وِیراں ہو پھر اپنا گھر ہے
بسترِ خاک لگے تختِ سُلیماں مُجھ کو
جانتا ہُوں مَیں خد و خال کی قیمت محسنؔ
آئینہ کر نہ سکے گا کبھی حیراں مُجھ کو
محسنؔ نقوی
Mohsin Naqvi
Comments
Post a Comment