Dil K Nagar Main Rehtay Hain , Kitnay Haseen Lamhay Wo Zeast Thi Jin Main Zinda Tab , Aisay Mubeen Lamhay Wo
Dil K Nagar Main Rehtay Hain , Kitnay Haseen Lamhay Wo
Zeast Thi Jin Main Zinda Tab , Aisay Mubeen Lamhay Wo
.
Dard Nay Jab Bhi Ghera Tu , Ban K Sahara Acchay Pal
Hansnay Hasanay Lagtay Hain , Bitay Mueen Lamhay Wo
.
Cho K Abhi Tu Guzra Hay , Lams Tra Jo Hatho'n Ko
Mujh Ko Laga Guma'n Nahi , Sab Thay Yaqeen Lamhay Wo
.
Aanch Say Falsafay Ki Jab , Zeast Ko Parkha Kartay Thay
Soach Samaj K Guzray Thay ,Kitnay Zaheen Lamhay Wo
.
Aisay Bhi Din Guzaray Jab ,Sard Lagay Thay Jazbay Sab
Zinda Rahi Main Us Main Kab , Bass Thay Machine Lamhay Wo
.
Yad Nagar Main Rehtay Hain , Zeast K Aisay Hissay Bhi
Beat Gaie Hain Saray Jo , Dil Say Qareen Lamhay Wo
.
Naqsh Sabila Ab Bhi Hain ,Piyar Main Guzray Saray Pal
Misl-e-Kholos Zinda Hain , Kitnay Ameen Lamhay Wo
Sabila Inam Siddiqui
Comments
Post a Comment