Main Tan Chup Chapeety Dil Ty Barf Da Tala Laya Laya See Sab Kandan , Darwazy Sare Bhaid Liye Sun
تھوڑ
THOD
میں تاں چپ چپیتے دل تے
برف دا تالا لایا سی
سب کنداں، دروازے سارے
بھیڑ لئے سن
Main Tan Chup Chapeety Dil Ty
Barf Da Tala Laya Laya See
Sab Kandan , Darwazy Sare
Bhaid Liye Sun
فر سورج نوں کنے دسیا
میرے گھر تے
باہواں کھول کے
آن کھلوتا
برف دا تالا پگھل گیا اے
اکھاں راہیں نکل گیا اے
سورج دی رشنائی پاروں
راتیں گھر وچ دیوے بلدے
کنداں تے دروازے سارے
ویکھو کنا جگمگ کردے
سورج نوں سمجھاؤ کوئی
ہن او کدی نہ واپس جاوے
میرے گھر نوں عادت ہے گئی
دل وی اوہدے سفنے ویکھے
چاواں نال دھمالاں پاوے
میرے سارے آل دوالے
رنگلے ہو گئے سفنے کالے
میں حیرت دی مار کے بکل
ہن تک ایہو سوچ رہی آں
سورج نوں ایہہ کنے دسیا
مینوں ایہدی لوڑ بڑی سی
جیون دے وچ تھوڑ بڑی سی
منزہ سحر
Munazza Sahar
Comments
Post a Comment