Meenon Vi Ty Koi Das Dy Mere Ute Kyun Nen Hasdy
مینوں وی تے کوئی دَس دے
میرے اُتے کیوں نیں ہَسدے
اَکھیِں اُجڑے ویکھے نیں میں
محل چوبارے ہَسدے وَسدے
Meenon Vi Ty Koi Das Dy
Mere Ute Kyun Nen Hasdy
Akhein Ujdy Vekhy Nen Main
Mahal Chobare Hasdy Wasdy
سب سیانے بس میں جھَلا
کی ہویا جے میں آں کلا
پیریں چھالے پا بیٹھا واں
خاباں پِچھے نَسدے نَسدے
یار زمانہ ساز نئیں میں
جُرماں دا ہَمراز نئیں میں
پیار دا دھوکھا ایسا کھادا
کیسا پھَسیا پھَسدے پھَسدے
بس اِتبار دی مار میں کھادی
ڈھٹھا فیر غماں دی وادی
دُکھاں اینج کلاوا پایا
کَسی جاندے کَسدے کَسدے
کِس نوُں یار بنا لِتا سی
کیوں گھر بار گوا دِتا سی
ایسا میتھوں کیوں سی ہویا
کیوں وسایا وِچ نس نس دے
کِنے دھوکھے کھاویں گا توُں
کِتھے دل نوُں لاویں گا توُں
من لے اپنی ہار نوُں احمد
لوکی نئیوں تیرے وَس دے
احمد شکیل چُغتائی
Ahmad Shakeel Chuatayi
Comments
Post a Comment