Mere athru, merian akkhan, tainu kei Jithe lavaan, jithe rakhhaan, tainu kei
میرے اتھرو، میریاں اکھاں، تینوں کی
جتھے لاواں، جتھے رکھاں تینوں کی
Mere athru, merian akkhan, tainu kei
Jithe lavaan, jithe rakhhaan, tainu kei
توں تے اپنا آپ بچائی پھرنا ایں
میرے تے الزام جے لَکّھاں، تینوں کی
Tu te apna ap bachaiy phirna en
Mere te ilzam je lakkhan, tainu kei
توں تے مینوں اگ ہجر دی لائی اے
ہن میں دھوکھاں، بھانویں بکھاّں، تینوں کی
Tu te mainu ag hijr di laai ai
Hun main dhookhhan, bhanven bukkhan, tainu kei
توں سکھاں دی سیج تے سکھ دا سونا ایں
زہر غماں دا پیواں، بھاویں یا فر چَکّھاں، تینوں کی
Tu sukhhan di sej te sukh da sona en
Zehr ghaman da peevaan, bhanven ya fir chakkhaan, tainu kei
Comments
Post a Comment