Mukamal Zabt Bhi Kar Lein Tou Yeh Sadmay Nahi Jate Keh Tujh Se Ab Humare Raaz Bhi Rakhay Nahi Jate

مکمل ضبط بھی کر لیں تو یہ صدمے نہیں جاتے
کہ تجھ سے اب ہمارے راز بھی رکھے نہیں جاتے
Mukamal Zabt Bhi Kar Lein Tou Yeh Sadmay Nahi Jate
Keh Tujh Se Ab Humare Raaz Bhi Rakhay Nahi Jate
ہمارے سر کی تہمت ہے تمہارے پیر کے چھالے
ہمارے گھر کو کوئی راستے کچے نہیں جاتے

شکستہ عشق کی یادیں چلو اب دفن کرتے ہیں
جنازے گھر میں اتنی دیر تک رکھے نہیں جاتے

ہمارا دل بھی اس اجڑے ہوئے مسکن کے جیسا ہے
گلی کے جس گھروندے میں کبھی بچے نہیں جاتے

یقیں مانو اسے کافی سلیقہ ہے محبت کا
کہ ہم پتھر دلوں والے یوںہی پگھلے نہیں جاتے

تو یہ سادہ دلی لے کر کبھی بھی عشق مت کرنا
کہ پتے کھیلنے ہرگز کبھی اندھے نہیں جاتے

عمران نذیر مانی
Imran Nazeer Mani