Pagal hai so us ko sari bat batana parti hai Manzar par kuch likhna ho to ankh hatana parti hai

پاگل ہے سو اُس کو ساری بات بتانا پڑتی ہے
منظر پر کچھ لکھنا ہو تو آنکھ ہٹانا پڑتی ہے
Pagal hai so us ko sari bat batana parti hai
Manzar par kuch likhna ho to ankh hatana parti hai

تعبیروں کے ڈر سے ہم کو خواب بچانے پڑتے ہیں
خوابوں کی تعبیر کی خاطر نیند گنوانا پڑتی ہے
Tabeeron ke dar se hum ko khwab bachane parte hain
Khwabon ki tabeer ki khatir neend ganwani parti hai

زخموں کی تشہیر نہ ہو سو ڈرتے ڈرتے شعر کہے
ہائے جن کو داد کی خاطر بھیڑ لگانا پڑتی ہے
Zakhmon ki tash-heer na ho so darte darte sher kahe
Haye jin ko dad ki khatir bheer lagana parti hai

شہروں میں جب وحشی بن حیوان نکل کر پھرتے ہوں
انسانوں کو جنگل کی تہذیب سکھانا پڑتی ہے
Shehron mein jab wehshi ban haiwan nikal kar phirte hon
Insanon ko jangal ki tehzeeb sikhhana parti hai

سیلی آنکھ کا بالن دن بھر دھُوپ میں رکھنا پڑتا ہے
دل کے آتشدان میں شب کو آگ جلانا پڑتی ہے
Seli ankh ka balan din bhar dhoop mein rakhna padti hai
Dil ke atishdan mein shab ko jalana padti hai

شہرِ دل محفوظ رہے سو ضبط کا پہرہ لازم ہے
دَر اندازی بڑھ جائے تو باڑھ لگانا پڑتی ہے
Shehar e dil mahfooz rahe so zabt ka pehra lazim hai
Dar andazi barh jaye tou barh lagana padti hai

ہم نے ہر تصویر ہٹا دی گو اُس پھول سے چہرے کی
اک تتلی دیوار سے ہم کو روز اُڑانا پڑتی ہے
Hum ne har tasweer hata di go us phool se chehre ki
Ik Titly deewar se hum ko roz udana padti hai