Qalam ko chheen ke, tehreer parh ke mara gaya Haseen khwab ko tabeer parh ke mara gaya

قلم کو چھین کے، تحریر پڑھ کے مارا گیا
حسین خواب کو تعبیر پڑھ کے مارا گیا
Qalam ko chheen ke, tehreer parh ke mara gaya
Haseen khwab ko tabeer parh ke mara gaya

یہ صاف صاف بتاؤ، شہید ہے کہ ہلاک
وہ کلمہ گو جسے تکبیر پڑھ کے مارا گیا
Ye saaf saaf batao shaheed hai ke halak
Wo kalma go jise takbeer parh ke mara gaya

کسی نے ٹھیک سے سمجھا نہیں خدا کا کلام
مجھے تو ترجمہ تفسیر پڑھ کے مارا گیا
Kisi ne theek se samjha nahi Khuda ka kalam
Mujhe to tarjuma tafseer parh ke mara gaya

مرے خلاف گواہی، نہ کچھ ثبوت ملا
نہ فرد ِ جرم، نہ تعزیر پڑھ کے مارا گیا
Mere khilaf gawahi na kuch suboot mila
Na fard e jurm, na tazeer parh ke mara gaya

جو پہلے ناز سے پالا تھا آستینوں میں
اسی کو زہر کی تاثیر پڑھ کے مارا گیا
Jo pehle naz se pala tha asteenon mein
Usi ko zehr ki taseer parh ke mara gaya

جو تم نے میری حفاظت کے واسطے لکھی
میں وہ حفاظتی تدبیر پڑھ کے مارا گیا
Jo tum ne meri hifazat ke waste likhhi
Main wo hifazati tadbeer parh ke mara gaya
احمد خلیل خان
Ahmed Khalil Khan