Qaria e Jan Mein Har Kahein Hein Aap Kia Ajab Ramz e Sandleen Hein Aap
قریۂ جاں میں ہر کہیں ہیں آپ
کیا عجب رمزِ صندلیں ہیں آپ
Qaria e Jan Mein Har Kahein Hein Aap
Kia Ajab Ramz e Sandleen Hein Aap
میری آنکھوں سے دیکھیے خود کو
جانیے کتنے دلنشیں ہیں آپ
خامشی سارے راز کہہ دے گی
کیوں بھلا بولتے نہیں ہیں آپ
کون دالان پھیلتی ہے مہک
كس حویلی میں اب مکیں ہیں آپ
خواب زارِ قدیم کی مانند
ایک مانوس سرزمیں ہیں آپ
کیا تیقن بھرا تضاد ہے یہ
زہر ہو کے بھی انگبیں ہیں آپ
نظم کرنا ہے اِک صحیفے کو
بیٹھیے جب تلک یہیں ہیں آپ
بشریٰ مسعود
Bushra Masood
Comments
Post a Comment